महानगर-उपमहानगरमा तालमेल

बालुवाटारमा सहमतिको ड्राफ्टलाई अन्तिम रूप दिइँदै, गठबन्धनको बैठकमा को को छन् ?(तस्बिरहरु)

उमेश कार्की

२०७९ वैशाख ५ गते १०:५४

काठमाडौं । बालुवाटारमा सत्तारुढ गठबन्धनका शीर्ष नेतासहित निर्वाचन तयारी तथा अनुगमन समितिको बैठक बसिरहेको छ ।

एक नेताका अनुसार महानगर र उपमहानगरको भागबण्डामा केन्द्रित बैठकमा नेताहरू लगभग सहमतिनजिक पुगेका छन् । हिजो (आइतबार) राति कार्यदलले तयार पारेको ड्राफ्टमाथि अहिले छलफल जारी रहेको बताइएको छ ।

एक नेताका अनुसार जुन पालिकामा जसको प्रमुखमा उम्मेदवारी हुने हो, त्यही दलको चुनाव चिह्नमा पाँचै दल सहभागी हुने सहमति भइसकेको छ । ‘गठबन्धनबीच साझा चुनाव चिन्हमा लड्ने सहमति भएको छ’, ती नेताले भने ।

यो पनि पढ्नुस् : यस्तो छ गठबन्धनको प्रस्तावित भागबन्डा, साझा चुनाव चिन्हबाट लड्ने तयारी

बैठकमा कांग्रेसबाट प्रधानमन्त्री एवं सभापति शेरबहादुर देउवा, वरिष्ठ नेता एवं अनुगमन समितिका संयोजक पौडेल, उपसभापति पूर्णबहादुर खड्का, सञ्चारमन्त्री ज्ञानेन्द्रबहादुर कार्की, नेता कृष्ण सिटौलालगायत सहभागी छन् ।