प्युठानका दुई स्थानीय तहमा वडासम्म यसरी गरियो भागबण्डा

रूपन्देही । प्युठानको स्वर्गद्वारीमा सत्तारुढ गठबन्धनले भागबण्डा टुंग्याएका छन् ।

भिङ्गीमा बसेको गठबन्धन दलको बैठकले स्वर्गद्वारी नगरपालिकाको प्रमुख उपप्रमुखसहित ९ वडाको सिट बाँडफाँट गरेको हो । गठबन्धनले जारी गरेको विज्ञप्तिअनुसार कांग्रेसको भागमा मेयरसहित ३ वटा वडा र राष्ट्रिय जनमोर्चालाई उपमेयरसहित ४ वटा वडा दिने सहमति भएको छ।

त्यस्तै, नेकपा माओवादी केन्द्रले २ वटा वडा लिने सहमति भएको विज्ञप्तिमा उल्लेख छ। जिल्लाको सरुमारानी र माण्डवी गाउँपालिकामा पनि सिट बाँडफाँटबारे छलफल भइरहेको छ ।

सरुमारानी गाउँपालिकामा सत्तासाझेदार तीन दलले चुनावी तालमेल मिलाएका छन् । त्यहाँ नेपाली कांग्रेस, माओवादी र नेकपा एसबीच भागबण्डा गरिएको छ ।

सहमतिअनुसार अध्यक्ष कांग्रेस र उपाध्यक्ष माओवादीले पाएका छन् ।

पालिकाको ४ वटा वडा माओवादीलाई, १ वटा वडा कांग्रेस र १ वटा समाजवादीलाई दिने गरी सहमति भएको छ ।

यसअघि नौबहिनी गाउँपालिकामा भने जनमोर्चाले सहमति नगर्दा कांग्रेस, माओवादी र समाजवादीले मात्रै छुट्टै गठबन्धन गरिसकेका छन् ।