सोनम कपुरको घरमा बहुमूल्य गहना चोरी गर्ने दुईजना पक्राउ

काठमाडौं । बलिउड अभिनेत्री सोनम कपुरको घरबाट एक करोड भारुभन्दा बढीको गहना चोरी गर्ने दुई जनालाई प्रहरीले पक्राउ गरेको छ ।

प्रहरीका अनुसार सोनम कपुरकी सासुकी पर्सनल केयर टेकर अर्पना रुथ विलसन र उनका पती नरेश कुमार सागरलाई चोरी भएका केही गहनासहित पक्राउ गरिएको हो ।

प्रहरीले उनिहरुबाट १०० वटा हिरा, ६ वटा सुनका सिक्री, १ वटा हिराको बाला, २ वटा मुन्द्रा र १ वटा कार बारामद गरेको छ । बारामद भएका वस्तुहरुको मुल्य १ करोड भारुभन्दा बढी रहेको प्रहरीले जनाएको छ ।

गत फेब्रुअरी २३ मा सोनम कपुरको परिवारले २ करोड ४० लाख मूल्य बराबरको गहना चोरी भएको प्रहरीलाई जानाकारी गराएको थियो । पक्राउ परेका दुवै जनाले आफ्नो गल्ति स्वीकार गरिसकेको प्रहरीले जनाएको छ ।