आठबीसमा कांग्रेसबाट मेयरका लागि आठजना सिफारिस, गठबन्धनको बैठकै बस्न सकेन

सुर्खेत । नेपाली कांग्रेसले दैलेखको आठबीच नगरपालिकाको मेयरका लागि आठजनाको नाम सिफारिस गरेको छ । कांग्रेस नगर समितिले अहिलेकी उपप्रमुख दीपा बोहोरा, नगर कार्यसमिति सभापति अर्जुनबहादुर शाही, २०७४ सालमा मेयरमा पराजित नेता प्रेमप्रकाश शाही, करुणाखर खनाल, विनोद खनाल, चन्द्रबहादुर शाही, खगेन्द्र शाही र पृथ्वीबहादुर शाहीको नाम प्रदेश कार्यसमितिमा सिफारिस भएको हो ।

त्यस्तै, उपप्रमुखमा निशा थापा, पूर्णप्रसाद खनाल, मुनाकुमारी शाही, सीताकुमारी उपाध्याय र लिला गिरीकाे नाम सिफारिस भएकाे छ ।

‘अहिलेसम्म आठबीस नगरमा गठबन्धन दलको बैठकसमेत बसेको छैन’, सभापति अजुर्नबहादुर शाही भन्छन्, ‘वडास्तरमा पनि उम्मेदवार तय गर्ने कार्य जारी छ ।’

२०७४ सालको चुनावमा एमालेले यो पालिकामा ४७ मतले प्रमुख जितेको थियो भने कांग्रेसले उपप्रमुख जितेको थियो । नो वडा रहेको आठबीसमा कांग्रेस एक्लैले चार वडामा जितेको थियो ।

गठबन्धन हुँदा यहाँ नेकपा एसले वडा नम्बर १ र ६ मागेको छ भने २, ७ र ८ वडा माागेको छ । तर कांग्रेसले ७, ८ र ९ नम्बर वडालाई आफ्नो मानेको छ ।