लिङ्देनको टिप्पणी- कमल थापा एमालेमा विलय हुनुभयो, राप्रपालाई फाइदा हुन्छ

काठमाडौं । राप्रपा अध्यक्ष राजेन्द्र लिङ्देनले राप्रपा नेपालका अध्यक्ष कमल थापाले सूर्य चिन्ह बरण गरेर एमाले प्रवेशको थालनी गरेको भन्दै यसबाट राप्रपालाई फाइदा हुने दाबी गरेका छन् ।

राप्रपा नेपालले आगामी स्थानीय चुनावमा सूर्य चिन्हबाटै लड्ने र उम्मेदवार नभएका ठाउँमा सूर्य चिन्हमै मतदान गर्ने सहमति गरेकोमा लिङ्देनले यसलाई एमाले प्रवेशको तयारी भनेका छन् ।

नेपाल प्रेससँग कुरा गर्दै अध्यक्ष लिङ्देनले भने– उहाँको यो एमाले प्रवेशको पूर्व तयारी हो ।

सूर्य चिन्हमा मतदान गर्ने र सूर्य चिन्हबाटै उम्मेदवार उठ्ने भनेपछि एमाले भइसक्नुभयो । यसले राप्रपालाई फाइदै गर्छ,राप्रपाकै नाममा अर्को राजनीतिक सकिन्छ ।

थापाले गणतन्त्र स्वीकार गरेर एमालेसँग विलय गरेको सन्दर्भमा राप्रपा नेपाललाई नोक्सान नहुने उनको भनाइ छ ।

लिङ्देनले राप्रपाले तालमेलको ढोका खुला राखे पनि अहिलेसम्म कसैसँग कुरा नभएको बताएका छन् ।