चलचित्रकर्मीसँग झरनाको प्रश्न : आज हामीलाई झम्टिने चितुवाले भोलि तपाईँलाई बाँकी राख्ला ?

काठमाडौं । अभिनेत्री तथा निर्देशक झरना थापाले आफ्नो नयाँ चलचित्र ए मेरो हजुर ४ निर्धारित मितिमै प्रदर्शन हुने बताएकी छन् ।

विदेशी चलचित्रसँग एक्लै लड्नु परे पनि मैदान छाडेर नभाग्ने उनको अठोट छ ।

यही वैशाख १ गतेबाट नयाँ वर्षको अवसर पारेर ‘ए मेरो हजुर ४’ रिलिज हुँदै छ । सोही मितिमा एक दक्षिण भारतीय चलचित्र पनि रिलिज हुने भएकाले ए मेरो हजुर ४ को व्यापारमा कति असर गर्ला भन्ने अनुमानहरू भइरहेका छन् ।

निर्देशक झरना थापाले सामाजिक सञ्जालमा स्टाटस लेख्दै आफ्नो चलचित्रको प्रदर्शन स्थगित गरेको भनेर झुटो हल्ला फैलाइएको बताएकी छन् ।

उनको स्टाटसमा भनिएको छ, ‘चाहे जस्तो सुकै परिस्थिति आवस, हामी हामीले रोजेको र तोकेको मैदान छाडेर एकरत्ति पनि पछि हटेका छैनौँ । यसमा नेपाली चलचित्रको भलो नचाहनेहरू ढुक्क भए हुन्छ ।’

उनले आफ्नो चलचित्रलाई चलचित्रकर्मीबाटै राम्रो साथ नमिलेको घुमाउरो गुनासो गरेकी छन् ।

झरना लेख्छिन्, ‘अहिले हामी विदेशी चलचित्रसँग एक्लै लड्नु परेको छ, भोलि तपाईँले पनि लड्नुपर्ने नै छ । बुढी मरिभन्दा पनि काल पल्किएको हेक्का राख्नुहुन मेरो विनम्र अनुरोध छ । चलचित्रकर्मी मित्रहरू, आज हामीलाई झम्टिने चितुवाले भोलि तपाईँलाई बाँकी राख्छ त रु यो तथ्यलाई विचार गर्नुहोला ।’