पलसँगै अवार्ड जितेपछि भावुक बन्दै पूजाले लेखिन् : रियल हिरोलाई धेरै मिस गरिरहेँ

काठमाडौं । म यस्तो गीत गाउँछु २ बाट अवार्ड जितेपछि नायिका पूजा शर्माले भावुक स्टाटस लेखेकी छन् । उनले अवार्ड लिँदा सो चलचित्रका नायक पल शाहलाई औधी मिस गरेको बताएकी छन् ।

आज वितरण गरिएको बक्स अफिस फिल्म अवार्डमा म यस्तो गीत गाउँछु २ बाट पल शाह सर्वोत्कृष्ट नायक र पूजा शर्मा सर्वोत्कृष्ट नायिका घोषित भएका थिए । सोही चलचित्रबाट सुदर्शन थापाले सर्वोत्कृष्ट निर्देशकको अवार्ड पाए । पलले पाएको अवार्ड भने चलचित्रको निर्मात्रीसमेत रहेकी पूजाले थापेकी थिइन् ।

अवार्ड लिएको तस्बिर फेसबुकमा पोस्ट गर्दै पूजाले प्रसव पीडामा चिच्याएकी आमा सन्तान जन्माएपछि मुस्कुराएको जस्तै आफू मुस्कुराएको बताएकी छन् । यद्यपि दिल खोलेर हाँस्न नसकेको उनको भनाइ छ । पूजाले आफूहरूले पाएको अवार्ड पललाई समर्पित गरेकी छन् ।

‘म यस्तो गीत गाउँछु २’बाट उत्कृष्ट नायकको अवार्ड पल शाहले जित्दै गर्दा मेरो प्यारी साथी र हाम्रो रियल हिरोलाई धेरै मिस गरिरहेँ । पल, तिम्रा लागि यो अवार्ड समर्पित गर्न चाहन्छौँ ।’

हेर्नुस् पूजाको स्टाटसः