ज्ञानेन्द्रकै कारण अब राजसंस्था फर्किदैन: महामन्त्री बर्तौला

हेटौंडा । राप्रपा नेपालका महामन्त्री राजाराम बर्तौलाले ज्ञानेन्द्र कै भुमिकाको कारण अब नेपालमा राजा नफर्किने बताएका छन् ।

शुक्रबार राप्रपा नेपाल मकवानपुरद्वारा हेटौंडामा आयोजित कार्यक्रममा बोल्दै बर्तौलाले अभिभावक बन्न पर्ने राजा एउटा दल भित्र पनि गुट, समूह, ब्यक्ति खोज्दै हिड्न थालेपछि उनको सकृय राजा बन्ने सपना अब सदाको लागि समाप्त भएको बताए ।

‘हामीले मुलुक भित्रका सबै दल र शक्तिले स्वीकार्ने सेरेमोनियल राजाको कुरा गर्दा उनले अस्थिरता र अराजकता मार्फत सकृय राजाको भुमिकामा आउने रहर गरेपछि राजा कै एजेन्डा छोड्न बाध्य भयाैं ।” उनले भने ।

राप्रपा र कमल थापालाई कमजोर बनाउने खेलमा निर्मल निवास प्रयोग भएको भन्दै बर्तौलाले आक्रोश समेत पोखे ।अहिले पनि राप्रपा नेपाल र कमल थापालाई राजनैतिक रुपमा समाप्त पार्ने षड्यन्त्र जारी रहेकोे भन्दै त्यो दिवास्वप्न मात्र हुने उनको दाबी थियो । कार्यक्रममा राप्रपा नेपालका नेताहरु बालकृष्ण कार्की , अम्बिका ढुंगाना , गुरु सापकोटा लगायतले बोलेका थिय ।