एएफसी एसियन कप छनोट खेलका लागि नेपाली फुटसल टोली प्रस्थान (भिडिओ)

काठमाडौं । एएफसी एसियन कप छनोट खेल्ने नेपाली राष्ट्रिय फुटसल टीमको बिदाई गरिएको छ ।

अखिल नेपाल फुटबल संघ (एन्फा) का अध्यक्ष कर्माछिरिङ शेर्पा, महासचिव इन्द्रमान तुलाधर लगाएत एन्फा पदाधिकारीहरूले बिदाई गरेका छन् ।

किर्गिस्तानमा आयोजना हुने छनोट खेलमा नेपाली टोली समूह ‘बी’ मा रहेको छ । नेपालसहित उज्वेकिस्तान, ताजिकिस्तान र अफगानिस्तान समूह ‘बी’ मा छन् ।

अप्रिल ५ देखि सुरू हुने छनोटमा नेपालले पहिलो खेल १० अप्रिलमा उज्वेकिस्तान, ११ अप्रिलमा ताजिकिस्तान र १२ अप्रिलमा अफगानिस्तानसँग खेल्नेछ ।

फुटसल टीमका मुख्य प्रशिक्षक गौरव बस्नेतले यसअघि नै १४ सदस्यीय टोली घोषणा गरिसकेका छन् ।

राष्ट्रिय फुटसल टिमः

गोलकिपर (अनिश श्रेष्ठ, विश्वास पौडेल)

फिक्सो ( विजय श्रेष्ठ, सरोज तामाङ, सुरज गुरुङ)

अला (आदिम हामिद, कृजल खड्का, मनि कुमार लामा, रोशन छन्त्याल, सुमित श्रेष्ठ, उर्केन शेर्पा)

पिभोट (हेमन्त गुरुङ, खिमराज गुरुङ, किशोर गुरुङ)