रुसी युद्धपोत ध्वस्त गरेको युक्रेनी जलसेनाको दाबी
नेपाल प्रेस
२०७८ चैत १२ गते १७:२९
काठमाडौं । युक्रेनको जलसेनाले बेर्द्यान्स्क बन्दरगाहमा रुसी सेनाको युद्ध पोत ध्वस्त पारेको दाबी गरेको छ । सामाजिक सञ्जालमा प्रेषित भिडिओमा केही पर ठूलो विस्फोटन भएको र आगोको लप्का उठेको देखिएको छ ।
उक्त पानीजहाजमा के कारणले विस्फोटन भयो र कसरी आगो लाग्यो भन्ने स्पष्ट भइसकेको छैन । उक्त क्षेत्रमा रुसले कब्जा गरेको छ ।
यसैबीच युक्रेनका राष्ट्रपति भोलोदिमिर जेलेन्स्कीले आफ्नो देशले रुसी सेनालाई ‘शक्तिशाली धक्का’ दिएको दाबी गरेका छन् । उनले युक्रेनमा आक्रमण सुरु भएयता १६ हजार रुसी सेनाले ज्यान गुमाएको समेत दाबी गरेका छन् ।
रुसले भने युद्ध सुरु भएदेखि १ हजार ३५१ सैनिकको मृत्यु भएको बताएको छ ।
नेपाल प्रेस
प्रकाशित: २०७८ चैत १२ गते १७:२९
प्रतिक्रिया
सम्बन्धित खवर
