कांग्रेस बैठकअघि सभापति देउवा र काेइरालाबीच वान-टु-वान वार्ता

काठमाडौं । नेपाली कांग्रेसका सभापति शेरबहादुर देउवा र नेता डा. शेखर कोइरालाबीच भेटवार्ता भएको छ ।

केन्द्रीय समिति बैठकअघि प्रधानमन्त्रीको सरकारी निवास बालुवाटारमा सभापति देउवा र कोइरालाबिच भेटवार्ता भएको हो ।

भेटमा नेता कोइरालाले पार्टी सञ्चालनमा सबैलाई समेट्न आग्रह गरेका छन् । उनले पार्टीमा एकलौटी ढंगले अगाडि नबढ्न पनि देउवालाई भनेका छन्

यता सभापति देउवाले सबैसँग परामर्श गर्दै अगाडि बढ्ने प्रतिवद्धता जनाएका छन् । अहिले कांग्रेसको केन्द्रीय कार्यसमिति बैठक जारी रहेको छ ।

नेता कोइरालाले पार्टीका भ्रातृ संगठनहरु नेपाल विद्यार्थी संघ र तरुण दल गठनमा असन्तुष्टि जनाएका थिए । देउवाले असन्तुष्टिहरु सम्बोधन गर्ने र अब निर्णय गर्दा छलफल गर्ने बताए ।

देउवा र कोइरालाबीच महाधिवेशनपछिको यो दोस्रो भेट हो । ।