चुनावी रणनीतिका लागि केन्द्रीय समिति बैठकमा कांग्रेसका नेता (तस्बिरहरू)

काठमाडौं । सत्तारुढ नेपाली कांग्रेसको केन्द्रीय कार्य समिति बैठक सुरू भएको छ ।

सानेपास्थित पार्टी केन्द्रीय कार्यालयमा जारी बैठकमा स्थानीय निर्वाचनको तयारीमा केन्द्रित छ । बैठकमा औपचारिक एजेण्डाको रूपमा कांग्रेसको ‘घर-घर जाऔं, कांग्रेस जिताऔं’ चुनावी अभियानको प्रारम्भिक समीक्षा, संसदीय समिति गठन र विविध राखिएको छ ।

सभापति शेरबहादुर देउवाले महामन्त्री गगन थापालाई स्थानीय चुनाव घोषणापत्र निर्माण समिति संयोजक तोकिसकेका छन् ।

सत्ता गठबन्धन र प्रमुख प्रतिपक्षी एमालेले समेत आगामी चुनावी तालमेलबारे कांग्रेस बैठकको निर्णय चासोका साथ हेरिरहेको बेला बसेको यो बैठकलाई अर्थपूर्ण मानिएको छ ।

तस्बिरहरू : उमेश कार्की ।