स्थानीय आवश्यकताका आधारमा गठबन्धन : नैनसिंह महर

धनगढी । नेपाली कांग्रेसका केन्द्रीय सदस्य नैनसिंह महरले स्थानीय तहको आवश्यकताका आधारमा गठबन्धन हुने बताएका छन्  ।

कांग्रेसको ‘घरघर जाऔँ, कांग्रेस जिताऔँ’ अभियानको शुक्लाफाँटा नगर कार्यसमितिको महरले गठबन्धन गर्ने नगर्ने भन्दा पनि पहिलो प्राथमिकता आन्तरिक एकता भएको बताए । स्थानीय नेता, कार्यकर्ताको आवश्यकता अनुसार गठबन्धन हुने, नहुने विषयमा पार्टीले टुंगो लगाउने उनको भनाई थियो ।

अभियानमा जनताको उत्साहजनक सहभागीले रुख चिन्हमा भोट हाल्न वञ्चित भएका जनता चुनावमा रुखमा भोट हाल्न आतुर भएको बताए ।

‘स्थिर सरकार,समृद्ध नेपाल र सुखी नेपालीको’ नारा दिएर दुई तिहाइ बहुमत प्राप्त सरकारका प्रधानमन्त्री केपी शर्मा ओलीको सरकारले ३ वर्षको शासनकाल जनताका आँखामा छारो हालेर कम्युनिस्ट नेताहरू अर्बौँ रकमको भ्रष्टाचारमा लिप्त र सरकार रहँदा काण्डै काण्ड गरेको आरोप लगाए  ।

कांग्रेस पार्टीले जनताका माझमा गएर कम्युनिस्ट सरकारले दिएका आश्वासन र भ्रमलाई भण्डाफोर गर्दै काङ्ग्रेस पार्टीले लोकतन्त्र, समावेशीकरण र देश विकासमा गरेका कामलाई जनतालाई सूचित गरेर काङ्ग्रेसप्रति आकर्षण गराउनु पर्ने बताए ।

नेता महर मंगलबार कञ्चनपुर क्षेत्र नम्बर २ का विभिन्न कार्यक्रममा व्यस्त रहे ।

विभिन्न कार्यक्रममा माओवादी केन्द्र र एमाले पार्टीका नेता कार्यकर्ताले पार्टी परित्याग गरी कांग्रेस पार्टीमा प्रवेश गरेका थिए ।