‘कृष्ण लीला’ कृष्ण जन्माष्टमीमा प्रदर्शन हुने

काठमाडाैं । चलचित्र कृष्ण लीला आउँदो कृष्ण जन्माष्टमीमा प्रदर्शन हुने तय भएको छ ।

चलचित्र निर्माण टिमले भदौ ३ गते कृष्णजन्माष्टमीको दिन चलचित्र प्रदर्शन गर्ने तय भएको जनाएको छ ।

दीपक ओलीको निर्देशन रहेको चलचित्र ‘कृष्ण लीला’ गत वर्षको चैत २७ गते प्रदर्शन गर्ने तयारी भएपनि कोरोनाका कारण रोकिएको थियो ।

चलचित्रमा पुष्प खड्का, श्रद्धा क्षेत्री, बुद्धि तामाङ, रविन्द्र झा, भावना गुरुङ, नवीन रेग्मी, हिउँवाला गौतम, आयुष गुरागाई लगायतका कलाकारहरुको अभिनय रहेको छ ।

लभस्टोरी जनरामा निर्मित चलचित्रमा शिव ढकालको छायांकन, अर्जुन जिसीको सम्पादन, अर्जुन पोखरेलको संगीत, लक्ष्मण सुवेदीको कथा, रामजी लामीछानेको कोरियोग्राफी र श्री श्रेष्ठको द्वन्द्व छ ।

रोहित कट्टेल प्रस्तुतकर्ता रहेको यस चलचित्रमा रत्न श्रेष्ठ कार्यकारी निर्माता, प्रकाश राज कार्की र केवल तामाङ निर्माता, पिताम्बर आचार्य र रोजन श्रेष्ठ सहनिर्मातामा छन् ।