बलात्कारविरुद्ध सडकमा उत्रिए महिला अधिकारकर्मी (तस्बिर/भिडिओ)

काठमाडौं । बढ्दो बलात्कारका घटनाप्रति चिन्ता व्यक्त गर्दै महिला अधिकारकर्मीहरुले प्रदर्शन गरेका छन् ।

राजधानीको माइतीघरमा अधिकारकर्मीहरुले बलात्कारीहरुलाई कडा कारवाही हुनुपर्ने भन्दै प्रदर्शन गरेका हुन् ।

बलात्कारका विरुद्धमा उभिने राजनीतिक पार्टीलाई मात्रै भोट दिन्छौँ भन्ने सन्देश बोकेका महिलाहरुले बलात्कार गर्नेहरु खुल्लमखुल्ला हिड्ने महिला चाँही लुकेर बस्ने भन्दै प्रश्न गरेका छन् ।

उनीहरुले ‘बलात्कार वरिुद्धमा उभिने पार्टीलाई मात्र भोट दिन्छौँ’, ‘बलात्कार तिमीहरु गर्ने, लुकेर हामीले बस्नुपर्ने ?’, ‘तिमीहरु खेलमखुल्ला हिड्ने हामी भित्रभित्रै !’, ‘छोरी चेलीको रक्षा गर्न नारी शक्ति एक हौँ ।’ ‘कपाल काट्ने, मेकअप गर्ने, छोटो लगाउने हाम्रो गल्ति हैन, तिम्रो मानसिकता गलत हो ।’, ‘बलात्कारविरुद्धको शिक्षा विद्यालयबाटै सुरु गरौँ’ भन्ने नारा लेखिएका प्लेकार्ड बोकेका थिए ।’

तस्बिरहरु : गाैरव पाैडेल