नेकपा एसका मन्त्री अर्को पार्टीका अध्यक्षको घरको गेट पाले बन्न गएः सुदेश पराजुली

काठमाडौं । नेकपा एस निकट विद्यार्थी संगठन अनेरास्ववियूको अध्यक्ष सुदेश पराजुलीले  नेकपा एसका मन्त्री राति राति अर्काे पार्टीको अध्यक्षको घरमा गेट पाले बस्न जाने गरेको आरोप  लगाएका छन् । यस्ता गतिविधि गर्ने मन्त्रीको कार्यशैलीको गम्भीर समिक्षा गर्न जरुरी भएको बताएका हुन् ।

उनले सोमबार सामाजिक सञ्जाल फेसबुकमा लेखेका छन्,‘गम्भीर कुरा त मन्त्री एउटा पार्टीबाट बन्ने अनि राती राती अर्को पार्टीको अध्यक्षको घरमा गेटपाले बस्न जाने १ यस्ता गतिविधि गर्ने मन्त्रीको कार्यशैलीमा गम्भीर समिक्षा गर्नु जरुरी छ ।’

नेपाल कम्युनिस्ट एकीकृत समाजवादी पार्टीमा लागेका आम नेता कार्यकर्ताको अहिलेको भावलाई पार्टीबाट सरकारमा सहभागी मन्त्रीको माथि उल्लेख गरेका (जनता कार्यकर्ता भन्दा माफिया दलाल प्यारो देख्ने सेटिङ्ग गर्ने) गतिविधिले प्रतिनिधित्व गर्न सक्छ त भन्ने प्रश्न खडा भएको उनले बताए ।

यस्तै उनले आफनो पार्टीबाट मन्त्री बनेकाहरु जनतासँग भन्दा बढी दलाल माफियासँग सम्बन्ध कसिलो बनाउन लालायित देखिएको भन्दै आक्रो पोखे ।

मन्त्री भएपछि माफिया दलाल भ्रष्टाचारी नै प्यारो ठान्ने मन्त्रीबाट समाजवादको जग बसाउन हम्मे हम्मे परेको भन्दै उनले मन्त्रीहरुको यस्तो व्यवहारबाट कार्यकर्ताले सोचेको यात्रामा अवश्य पनि प्रश्न लागेको बताए ।

उनले भनेका छन्,‘मन्त्री र मन्त्रालय आम जनताको हुनुपर्छ यसमा सम्बन्धित पार्टीको मन्त्री बनेमा वा भएमा मन्त्री र जनताको सम्बन्धलाई सम्बन्धित पार्टीका कार्यकर्ताले सुमधुररकसिलो वनाउनु पर्दछ । तर यहाँ मन्त्री स्वयं जनता र कार्यकर्तासंग भन्दा बढि सम्बन्ध दलाल माफियासंग कसिलो बनाउन लालायित देखिन्छन् । मन्त्री भए पछि माफिया दलाल भ्रष्टाचारी नै प्यारो ठान्ने मन्त्रीबाट समाजवादको जग बसाउन हम्मे हम्मे छ ।मन्त्री भनेको भुडी ठुलो बनाउनु र हल्लाउनु होईन जनताको प्यारो बन्नुरहुनु हो । मन्त्रीहरुको यस्तो व्यवहारबाट हामीले सोचेको यात्रामा अवश्य पनि प्रश्न लागेको छ ।’