पाँच महिनापछि नेकपा एसमा फर्किए कँडेल, केन्द्रीय सदस्यको सपथग्रहण

काठमाडौं । नेकपा एकीकृत समाजवादीको केन्द्रीय सदस्यमा झम्क कँडेल दोस्रोपटक मनोनीत भएका छन् । उनी कात्तिकमा एक दिनमात्र नेकपा एसको केन्द्रीय सदस्य बनेर एमालेमा फर्किएका थिए ।

पाँच महिनापछि पुनः उनी नेकपा एसमै फर्किएर विहीबार केन्द्रीय सदस्यको सपथ ग्रहण गरेका छन् । नेकपा एमालेको रामेछाप जिल्ला कमिटी उपसचिव रहेकै बेला नेकपा एकीकृत समाजवादीमा लागेर केन्द्रीय सदस्य सदस्य बनेका झम्क कँडेल लगत्तै एमालेमा फर्किएका थिए ।

उनी पुस २३ मा सम्पन्न एमालेको जिल्ला अधिवेशनमा अध्यक्षको उम्मदेवार बन्न प्रयास गरेका थिए । तर, अध्यक्ष बन्न नपाएपछि उनी पुनः नेकपा एसमै फर्किएका हुन् ।