नेकपा एसको केन्द्रीय कमिटी बैठकका ११ तस्बिर

काठमाडौं । सत्तासाझेदार दल नेकपा एकीकृत समाजवादीको केन्द्रीय कमिटी बैठक जारी छ । बबरमहलस्थित कार्की ब्यांक्वेटमा आजबाट सुरू बैठक आसन्न वैशाख ३० को स्थानीय तह चुनावमा केन्द्रित रहेको बताइएकव छ ।

स्थानीय तह निर्वाचनलाई मुख्य एजेण्डा बनाएर बैठकमा राजनीतिक प्रतिवेदन पेस गरिएको र सोही अनुसारको कार्ययोजना, संगठन विस्तार र पुनर्गठनबारे छलफल भइरहेको पार्टीका प्रवक्ता जगन्नाथ खतिवडाले जानकारी दिए ।

खतिवडाका अनुसार एमसीसी अनुमोदनपश्चात उत्पन्न परिस्थिति र आगामी रणनीतिबारे पनि बैठकमा छलफल हुनेछ ।

खतिवडाले भने, ‘वैशाख ३० गते हुने स्थानीय तह निर्वाचनमा हाम्रा शक्ति, सम्पूर्ण ध्यान केन्द्रित गरेर अगाडि जानेछौं । आजको राजनीतिक परिस्थिति, विभिन्न राजनीतिक दलहरूबीच भएको शक्ति सन्तुलन, अब हामीले जानुपर्ने बाटोमा विषयमा हामी छलफल गर्नेछौं । चुनाव प्रचारका लागि कसरी अघि बढछौं ? गठबन्धन कुन ढंगले अगाडि बढछ ? एमसीसी संसदबाट पारित गरिसके पश्चात् अव उत्पन्न हुने परिस्थिति र त्यसलाई कसरी हामी समाधान गर्न सक्छौं ? भन्ने विषयमा पनि छलफल हुनेछ । मूलतः एजेन्डाको रूपमा आज राजनीतिक प्रतिवेदन, आगामी कार्ययोजना, संगठन विस्तार र पुनर्गठनका कार्यक्रमहरु नै मुख्य विषय बन्नेछन ।’