फ्रान्सेली प्रतिनिधिसभाका सदस्यहरूले प्रधानमन्त्री देउवासँग गरे शिष्टाचार भेट
नेपाल प्रेस
२०७८ फागुन २५ गते १३:२२
काठमाडौं । फ्रान्सेली प्रतिनिधिसभाको फ्रान्स-नेपाल मैत्री समूहका अध्यक्ष भेरोनिक रियोटनको नेतृत्वमा नेपाल भ्रमणमा रहेको टोलीले बुधबार बिहान प्रधानमन्त्री शेरबहादुर देउवासँग शिष्टाचार भेट गरेको छ ।
उक्त भेटवार्ता प्रधानमन्त्री निवास बालुवाटारमा भएको प्रधानमन्त्री देउवाको सचिवालयले जनाएको छ ।
भेटमा नेपाल-फ्रान्स द्विपक्षीय सम्बन्धका विषयमा छलफल भएको छ ।
फ्रान्सेली प्रतिनिधि सभाको फ्रान्स-नेपाल मैत्री समूहका अध्यक्ष रियोटनको नेतृत्वमा एक टोली मंगलबार काठमाडौं आइपुगेको थियो ।
उनको साथ मैत्री समूहका उपाध्यक्ष निकोलस फोरिसियर र ग्राजिएला मेल्चियर पनि रहेका छन् ।
नेपाल–फ्रान्स अन्तर संसदीय समुहका अध्यक्ष माधवकुमार नेपालको निमन्त्रणामा उनीहरु नेपाल आएका हुन् ।
नेपाल प्रेस
प्रकाशित: २०७८ फागुन २५ गते १३:२२
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
