माओवादीमा एमसीसीको विवाद जेठ २० सम्मलाई स्थगन
नेपाल प्रेस
२०७८ फागुन २३ गते १८:५१
काठमाडौं । नेकपा (माओवादी केन्द्र)मा अमेरिकी सहायता परियोजना एमसीसीलाई लिएर विवाद आगामी जेठ २० सम्मलाई स्थगन गर्ने निर्णय गरेको छ ।
पार्टी निर्णय विपरित अध्यक्ष पुष्पकमल दाहाल ‘प्रचण्ड’ एमसीसीमा अगाडि बढेको भन्दै वरिष्ठ नेता नारायणकाजी असन्तुष्ट थिए ।
श्रेष्ठसहितका नेताहरु कृष्णबहादुर महरा, देव गुरुङ र लिलामणि पोखरेलले एमसीसीमा गलत भएको भन्दै शुक्रबारदेखि सुरु भएको केन्द्रीय समिति बैठकमा फरक मत दर्ता गराएका थिए ।
चुनावको मुखमा एमसीसीको विवाद लिएर जाँदा पार्टीलाई क्षति पुग्ने भन्दै माओवादीले त्यसलाई चुनावपछि बहस गर्ने निर्णय गरेको हो ।
बैठकबारे जानकारी गराउँदै नेता जनार्दन शर्माले चुनावपछि आगामी जेठ २० मा बस्ने केन्द्रीय समितिमा उक्त विषयमा छलफल हुने भन्दै हालका लागि एमसीसीको विषय स्थगन गरिएको जानकारी दिए ।
उनले भने, ‘एमसीसीको एजेन्डामा उठेका केही आशंकामा समझदारी बनाएर त्यसको बहस जेठको २० गते बस्ने बैठकम छलफल गर्ने गरि हाललाई गरि स्थगन गरिएको छ।’
शर्माले आगामी निर्वाचनका लागि योजना र नीति निर्माण समेत निर्माण गरिएको जानकारी दिए ।
त्यस्तै बैठकले प्रदेश इन्चार्ज र अध्यक्ष समेत तोकेको उनले जानकारी दिए ।
नेपाल प्रेस
प्रकाशित: २०७८ फागुन २३ गते १८:५१
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
