माओवादी केन्द्रीय सदस्यमा प्रचण्डका छोरी-ज्वाइको नाम अनुमोदन भएन

काठमाडौं । नेकपा (माओवादी केन्द्र) को केन्द्रीय सदस्यका लागि प्रस्तावित ९७ मध्य ५० जनाको मात्रै नाम अनुमोदन भएको छ ।

अध्यक्ष पुष्पकमल दाहाल ‘प्रचण्ड’ले आफ्ना छोरी-ज्वाइ गंगा दाहाल र जीवन आचार्यसहित ९७ जनाको नाम प्रस्ताव गरेका थिए ।

तर, प्रस्तावित नाममा विवाद भएपछि ५० जनाको मात्रै नाम अनुमोदन भएको हो । कतिपय केन्द्रीय सदस्यले प्रचण्डले आफ्नो छोरी-ज्वाइको नाम प्रस्ताव गरेकोमा असन्तुष्टी जनाएका थिए ।

प्रस्तावित भएर पनि अनुमोदन हुन नसकेकामध्ये केहीलाई वैकल्पिक केन्द्रीय सदस्य बनाउने गरि माओवादी केन्द्रको बैठक सकिएको छ ।

माअ‍ेवादीले जम्मा केन्द्रीय सदस्यको २५ प्रतिशत वैकल्पिक केन्द्रीय सदस्य बनाउने समेत निर्णय गरेको छ।