ईश्वर पोखरेलको आरोप- माधव नेपालले घृणित दक्षिणपन्थी अवसरवादको अगुवाई गरे (भिडिओ)
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/03/ishor-pokhrel-1.jpg)
काठमाडौं । नेकपा एमालेका वरिष्ठ उपाध्यक्ष ईश्वर पोखरेलले आफ्नै पार्टीको नेतालाई प्रधानमन्त्रीबाट हटाउने आपराधिक कामको अगुवाई माधव नेपालले गरेको आराेफ लगाएका छन् ।
ओखलढुंगा काठमाडौं सम्पर्कमञ्चको कार्यक्रमलाई सम्बोधन गर्दै वरिष्ठ उपाध्यक्ष पोखरेलले प्रमुख प्रतिद्वन्द्वी पार्टीको नेतालाई प्रधानमन्त्री बनाउने र आफ्नो पार्टीको नेतालाई हटाउने आपाधिक काम माधव नेपालबाट भएको बताए ।
उनले भने, ‘ओलीले कमजोरी गरे भन्ने नाममा हाम्रो प्रमुख प्रतिद्वन्द्वी, बोलिचालीको भाषामा प्रमुख शत्रु नेपाली कांग्रेसको नेतालाई प्रधानमन्त्री बनाउने आफ्नो पार्टीको नेतालाई प्रधानमन्त्रीबाट हटाउने आपराधिक कामको अगुवाई गर्ने काममा मूख्य भूमिका उहाँ (माधव नेपाल)ले खेल्नुभयो ।’
पार्टीबाट अलमलिएका नेताहरुलाई संगठनमा ल्याउन आग्रह गर्दै उनले नेपालजस्ता विभाजनको अगुवाई गर्नेहरुप्रति कुनै भ्रम नराख्न पनि उनले आग्रह गरे ।
केपी शर्मा ओलीले ताजा जनादेशमा जान्छु भन्दा नमान्ने तर संविधान रक्षा गर्ने नाममा यस्ता आपराधिक काम भइरहेको उनको टिप्पणी छ ।
उनले भने, ‘यतिबेला घृणित दक्षिणपन्थी अवसरवादको अगुवाई माधव नेपाले गरेका हुन् ।’