गठबन्धनको एकमात्र उद्देश्य एमालेविरुद्धमा केन्द्रीत हुनु हो : ईश्वर पोखरेल (भिडिओ)
नेपाल प्रेस
२०७८ फागुन २१ गते १५:०७
काठमाडौं । नेकपा एमालेका वरिष्ठ उपाध्यक्ष ईश्वर पोखरेलले गठबन्धनको एकमात्र उद्देश्य एमालेको विरुद्धमा केन्द्रीत हुनु रहेको बताएका छन् ।
ओखलढुंगा-काठमाडौं सम्पर्क मञ्चको कार्यक्रममा सम्बोधन गर्दै पोखरेलले एमालेलाई कमजोर बनाउने उद्देश्यसहितको एकसुत्रिय एजेण्डा बोकेर गठबन्धन हिँडेको बताए ।
उनले भने, ‘गठबन्धनकारी शक्तिको एक मात्र उद्देश्य नेकपा एमालेको विरुद्धमा केन्द्रीत हुने हो । एकसुत्रिय एजेण्डा एमालेलाई कमजोर बनाउने र एमालाई समाप्त पार्ने हो ।
गठबन्धनको यो उद्देश्य विफल पार्नका लागि एमाले एकतावद्ध भएर अगाडि बढ्नुपर्ने उनले बताए ।
उनले स्थानीय तहको निर्वाचन गठबन्धनले टार्न खोजेपनि एमालेको दबाबका कारण वैशाख ३० को मिति तय भएको बताए ।
स्थानीय निर्वाचनमा दुई ध्रुवमा बाँडिएको राजनीतिमा एमालेलाई बलियो बनाउनुपर्ने बताए ।
स्थानीय तहको निर्वाचनमा नेताहरुले आँखा झिम्क्याएको भरमा टिकट नपाइने उल्लेख गर्दै पार्टीलाई कमजोर बनाउने गरी अगाडि नबढ्न आग्रह गरे ।
नेपाल प्रेस
प्रकाशित: २०७८ फागुन २१ गते १५:०७
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
