कमिसन नबढाएपछि पेट्रोलियम व्यवसायी आन्दोलित (भिडिओ)

काठमाडौ. । नेपाल आयल निगमले पेट्रोलियम पदार्थको मूल्यवृद्धि हुँदापनि कमिसन नबढाएको भन्दै व्यवसायीहरु आन्दोलित भएका छन् ।

गएरातिबाट पेट्रोलियम पदार्थको मूल्यवृद्धि भएको थियो । मूल्यवृद्धिसँगै कमिसन नबढाएको भन्दै व्यवसायीहरु विभिन्न मागसहित आन्दोलित भएका हुन् ।

व्यवसायीहरुले पेट्रोलिय पदार्थ ढुवानी गर्ने ट्याङ्करको भाडा वृद्धि, कमिसन वृद्धि र अन्तराष्ट्रिय बजार मूल्य अनुसार नेपाली बजारमा मूल्य समायोजन लगायतका कुरालाई निगमले बेलैमा ध्यान नदिए आन्दोलन गर्ने राष्ट्रिय पेट्रोलियमप व्यवसाय संस्थागत समन्यय समितिले बताएको छ ।

नेपाल पेट्रोलियम डिलर्स राष्ट्रिय एशोसिएसन, नेपाल पेट्रोलियम ढुवानी व्यवसायी महासंघ र नेपाल एलपीजी ग्यास उद्योग संघले मिलेर राष्ट्रिय पेट्रोलियमप व्यवसाय संस्थागत समन्यय समिति बनेको हो ।

राष्ट्रिय पेट्रोलियमप व्यवसाय संस्थागत समन्यय समितिका संयोजक कुशप्रसाद मल्लीले सरकारले व्यवसायीको माग सम्बोधन नभएर ५ दिनमा बजारमा पेट्रोलियम पदार्थको अभाव हुने बताए ।

उनले भने, ‘हामीले आजबाट ढुवानी रोकेका छौँ । त्यसको असर ५ दिनपछि देखिन्छ । बजारमा पेट्रोलिय पदार्थको अभाव हुन्छ । हामीले हाम्रो माग पुरा गर्न आन्दोल नै गर्नु पर्ने अवस्था आएको छ ।’

राष्ट्रिय पेट्रोलियमप व्यवसाय संस्थागत समन्यय समितिका सह-संयोजक लिलेन्द्र प्रसाद प्रधानले यातायात क्षेत्रका अन्य व्यवसायीहरुको भाडा समायोजन हुँदा पनि पेट्रोलियम पदार्थ ढुवानी गर्ने ट्याङ्करले पुरानै भाडामा ढुवानी गरिरहेको बताए ।

राष्ट्रिय पेट्रोलियम व्यवसाय संस्थागत समन्वय समितिले आफना ६ बुँदेमाग १५ दिनभित्र सम्बोधन नभए आन्दोलन गर्ने चेतावनी दिएको छ ।

पेट्रोलियम पदार्थको विक्री मूल्य खरिद मूल्य अनुपातमा कायम हुने स्वाचालित विधिबाट नगरी मनोमानी ढंगले कायम हुँदा निगम कहिले अत्याधिक नाफा र कहिले अत्याधिक घाटामा जाने गरेको राष्ट्रिय पेट्रोलियम व्यवसाय संस्थागत समन्वय समितिले प्रष्ट पारेको छ ।