माओवादी केन्द्रीय समिति बैठक सकियो, अर्को बैठक आइतबार बस्ने

काठमाडौं । नेकपा माओवादी केन्द्रको केन्द्रीय समिति बैठक सकिएको छ ।

एमसीसी व्याख्यात्मक टिप्पणीसहित अनुसमोदन भएपछि पार्टीभित्र देखिएको विवाद समाधान लगायतका विषयमा छलफल गर्न बैठक बोलाइएको थियो । अर्को बैठक पर्सी ११ बजे बस्ने बताइएको छ ।

आजको बैठकमा एमसीसी पारित गर्ने पार्टीको निर्णय अनुसमोदनका लागि पेस भएको छ । प्रचण्डले उक्त प्रस्ताव राखेका हुन् ।

बैठकमा नेता नारयणकाजी श्रेष्ठले लिखित धारणा प्रस्तुत गर्दै नेता श्रेष्ठले पार्टीभित्रको वैचारिक संस्कृतिमा गम्भीर विचलन आएको टिप्पणी गरेका छन् ।

श्रेष्ठले पार्टी इतिहासकै गम्भीर मोडमा रहेकोले गल्ती गर्ने छुट कसैलाई नभएको समेत बताएका छन् । उनले पार्टी नेतृत्वले नोकरशाही, पुँजीपति र दलालहरुसँग साँठगाँठ गरेको आरोप लगाएका छन् ।