पर्सा कांग्रेस सभापतिमा संस्थापन पक्षका क्षेत्री विजयी
नेपाल प्रेस
२०७८ फागुन २० गते १०:०७
जनकपुरधाम । नेपाली कांग्रेस पर्साको सभापतिमा संस्थापन पक्षका जनार्दन सिंह क्षेत्री विजयी भएका छन् ।
निर्वाचन अधिकृत नरेन्द्रबहादुर केसीका अनुसार क्षेत्री ४६५ मतान्तरले विजयी भएका हुन् । क्षेत्रीले श्यामप्रसाद पटेललाई पराजित गरेका छन् ।
सभापतिमा विजयी क्षेत्री १ हजार ११० मत ल्याउन सफल भए भने पटेल मात्र ६४५ मत प्राप्त गरे । विजयी क्षेत्री जिल्ला समन्वय समितिका पूर्वअध्यक्ष हुन् ।
जिल्ला उपसभापतिमा रामनारायण प्रसाद कुर्मी र अशोक कुमार गुप्ता, सचिवमा इम्तियाज आलम र दिनेश कुमार चौधरी विजयी भएका छन् । यस्तै सहचिवमा नविन सिंह र मदन राउत अहिर विजयी भएका छन् ।
निर्वाचित उपसभापति, सचिव र सहसचिव संस्थापन पक्षकै हुन् । निर्वाचनमा ६७ पदका लागि १ हजार ८३० जना मतदातामध्ये १ हजार ७७९ जनाले मतदान गरेको थियो ।
नेपाल प्रेस
प्रकाशित: २०७८ फागुन २० गते १०:०७
प्रतिक्रिया
सम्बन्धित खवर
