एमसीसीमा असन्तुष्ट नारायणकाजी फकाउन प्रचण्ड हात्तीवनमा

काठमाडौं । अमेरिकी सहायता परियोजना एमसीसी अनुमोदनलाई लिएर असन्तुष्ट बनेका नेता नारायाणकाजी श्रेष्ठलाई फकाउन माओवादी केन्द्रका अध्यक्ष पुष्पकमल दाहाल ‘प्रचण्ड’ हात्तीवन पुगेका छन् ।

प्रचण्डनिकट स्रोतका अनुसार श्रेष्ठ निवास ललितपुरको हात्तीवन पुगेर प्रचण्डले अहिले कुराकानी गरिरहेका छन् । एमसीसी संशोधनबिना अगाडि बढाउन सहमति दिएको भन्दै श्रेष्ठ असन्तुष्ट छन् ।

सोमबार आयोजित पत्रकार सम्मेलनमा पार्टीभित्र राख्नुपर्ने मतभेद बाहिर राखेको भन्दै प्रचण्डले श्रेष्ठप्रति असन्तुष्टि जनाएका थिए । उनले श्रेष्ठलाई पार्टी छाडेर जानसक्ने चेतावनीसमेत दिएका थिए ।

माओवादीमा असन्तुष्ट नेताहरूले श्रेष्ठलाई छुट्टै पार्टी निर्माणका लागि दबाब दिइरहेका छन् ।