व्याख्यात्मक घोषणाको अर्थ छैन भन्नु अज्ञानीहरुको कुरा मात्रै हो : नेपाल (भिडिओ)
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/03/nekapa-s-press-meet.jpg)
काठमाडौं । नेकपा (एकीकृत समाजवादी) का अध्यक्ष माधव नेपालले एमसीसीमाथि घोषणा गरिएको व्याख्यात्मक घोषणाको अर्थ छैन भन्नेलाई ज्ञानको कमी भएको टिप्पणी गरेका छन् ।
‘केही पनि होइन यो भनेर जसरी प्रचार गर्न खोजिएको छ,’ मंगलबार आयोजित पत्रकार सम्मेलनमा नेपालले भने, ‘ अन्तर्राष्ट्रिय सन्धी सम्बन्धि व्यवहारको ज्ञान नभएका अज्ञानीहरुको कुरा मात्रै हो त्यो । उनीहरुलाई यो पनि थाहा छैन कि २०७७ सालमा सन्धी सम्बन्धी नियमावली जारी भएको थियो । त्यसमा कुनै पनि सन्धीका साथमा त्यसलाई अगाडि प्रस्तुत गर्यो भने त्यससँग त्यो जोडिन पुग्दछ भन्ने व्यवस्था गरेको छ । त्यही आधारमा व्याख्यात्म घोषणा तयार भएको हो ।’
सिंगो संसदले व्याख्यात्मक घोषणा गरेको र त्यसलाई अमेरिका र चीनले समेत स्वागत गरेको दावी गर्दैै विरोधको कुनै अर्थ नहुने नेपालको भनाइ छ ।
उनले भने, ‘सिंगो संसदले (सम्भवत दुई चार जना बाहेक केपी ओलीकाले पनि विरोध गरेनन्)अनुमोदन गरिसकेपछि त्यसको बारेमा अमेरिकाले पनि सकरात्मक प्रतिक्रिया र स्वयं चीनले पनि सकरात्मक प्रतिक्रिया दिएपछि यसको केही पनि अर्थ छैन भन्ने ?’
१२ बुँदे व्याख्यात्मक घोषणबाट एमसीसीबारेका भ्रम चिर्ने प्रयास गरिएको भन्दै नेपालले नेपालको संविधानभन्दा माथि केही नरहेको समेत बताए ।
‘१२ बुँदेमा जनतामा गएको सबै भ्रमलाई चिर्ने कोसिस भएकोछ,’ नेपालको भनाइ छ, ‘प्रष्ट पार्न खोजिएको छ । नेपालको संविधान भन्दामाथि कुनै चिज हुन सक्दैन भनिएको छ ।’
यस्ता अनपढ भेडाकाे के कुरा । प्रचण्डकाे पुच्छर ।