पुष्प खड्काको ‘तिम्रै हुन पाउँ’ बोलको म्यूजिक भिडिओ रिलिज (भिडिओ)

काठमाडौं । देवी घर्ती मगर र ध्रुव बिस्कोको स्वरमा ‘तिम्रै हुन पाउँ’ बोलको गीत सार्वजनिक भएको छ । वियोगान्त गीतको भिडिओमा पुष्प खड्का र मनिषा थापाको अभिनय छ ।

गीतमा गायक बिस्कोकै कथा, पटकथा र निर्देशन रहेको छ भने भिडिओमा पुष्प र मनिषासँगै कलाकारहरु दिनेश डिसी, रश्मी भट्ट, जेरी भण्डारी र बर्षा भण्डारीको अभिनय छ ।

पत्नी वियोगमा परेका पतिको अवस्थालाई भिडिओमा देखाइएको छ । ज्ञानेन्द्र हुँमागाईको छायाँकन रहेको छ भने भिडिओलाई डिन्सन शाहले सम्पादन गरेका छन् ।

गायक ध्रुव बिस्कोले यस अगाडी ‘मायाले जित्यो’ बोलको गीत ल्याएका थिए । सोही भिडिओबाट उनले निर्देशन गर्न थालेका हुन् ।