एनआरटी ए डिभिजन लिगमा तेस्रो
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/02/268042212_2694918387484099_8832380196005358672_n.jpg)
काठमाडौं । मेसुके ओल्मोउको ह्याट्रिक प्रेरित नेपाल पुलिस क्लबलाई ३–१ गालको नतिजामा पराजित गर्दै न्युरोड टिम (एनआरटी) ले तेस्रो स्थानमा रहँदै सहिद स्मारक ‘ए’ डिभिजन लिगको यो सिजन सकाएको छ ।
सातदोबाटोस्थित एन्फा कम्प्लेक्समा भएको खेलमा एनआरटीलाई जित दिलाउन मेसुकेले ह्याट्रिक गरे ।
एनआरटीकै आत्माघाती गोल उपहारमा पुलिसले खेलको १२औं मिनेटमा अग्रता लिएको थियो । एनआरटीका गोलकिपर अजित प्रजापति बिट भईसकेको अवस्थामा पुुलिसका रवि पास्वानले गरेको प्रहार क्लियर गर्ने क्रममा एनआरटीका सिव गुरुङले आफ्नै पोष्टमा गोल गरेका थिए ।
पहिलो हाफमा अग्रता बनाएपनि पुलिसले दोस्रो हाफमा राम्रो प्रदर्शन गर्न सकेन । एनआरटीको मेसुकेले खेलको ४७, ६२ र ८३औं मिनेटमा गोल गर्दै टोलीलाई जित दिलाए ।
जितसँगै एनआरटी लिगमा ६ जित, ६ बराबरी र दुई हासँगै २३ अंक जोडेर तेस्रो स्थानमा रहेको छ । दोस्रो स्थानको अर्मीसँग बराबरी अंक भएपनि हेड टु हेडका आधारमा एनआरटी तेस्रो भएको हो ।
पुलिसले २ जित, ६ बराबरी र ४ हारसहित १२ अंक जोडेर ११औं स्थानमा रहेर लिग सकेको छ ।