आरआरआरदेखि २.० सम्मः युक्रेनमा सुटिङ भएका यी भारतीय फिल्म

दिल्ली । रुस–युक्रेन विवाद अहिले युद्धमा परिणत भएको छ । रुसले युक्रेनका विभिन्न क्षेत्रमा सैन्य आक्रमण गर्न थालेको आज दोस्रो दिन हो।

रुसले युक्रेनमा लगातार गरेको हवाई आक्रमणले सबै क्षेत्रका जनतामा अहिले त्रास फैलिएको छ । लगातारको विस्फोटका कारण युक्रेनको सुन्दर स्थानहरु धुवाँको मुस्लो बनिरहेको छ । हवाई आक्रमणका कारण यहाँका भवनहरुसमेत ध्वस्त भएका छन् ।

भारतीय फिल्ममा युक्रेनमा विनाश हुनुअघि पनि यस ठाउँको सौन्दर्यलाई देखाइएको छ । यी चलचित्रहरूमा युक्रेनको सुन्दर दृश्यहरु समावेश छन् ।

आरआरआर

एसएस राजामौली निर्देशित फिल्म ‘आरआरआर’को छायांकन युक्रेनमा भएको छ । फिल्मको अन्तिम समयतालिका युक्रेनमा सकिएको थियो, यस बाहेक भारतका विभिन्न स्थानमा पनि फिल्मको छायांकन गरिएको छ । चलचित्र यसअघि जनवरी ७ मा रिलिज हुने तय भएपनि हलहरु बन्द भए मार्च २५ मा रिलिज हुनेछ ।

२.०

रजनीकान्त, अक्षय कुमार र एमी ज्याक्सन स्टारर फिल्म २.० को रोजा काधलको गीत युक्रेनमा छायांकन गरिएको छ । एआर रहमानले कम्पोज गरेको गीत युक्रेनको सुन्दर स्थानमा रोमान्टिक दृश्यहरु खिचिएको छ ।

९९ सँग्स

सन् २०१९ मा रिलिज भएको फिल्म ९९ संँग्सको छायांकन भारत र युक्रेनको विभिन्न स्थानमा गरिएको छ । ओस्कार विजेता संगीत निर्देशक एआर रहमानले यो फिल्म लेखेका हुन् । फिल्ममा एडस्ले वार्गस, एहान भट्ट, आदित्य सिल, लिजा रे र मनिषा कोइरालाको महत्वपूर्ण भूमिका छ ।

देव

कार्ती, रकुल प्रीत सिंह, राम्या कृष्णन र प्रकाश राज स्टारर तमिल फिल्म देवको पनि युक्रेनमा छायांकन गरिएको हो । यो रोमान्टिक ड्रामा फिल्म हो जुन २०१९ मा रिलिज भएको थियो । चलचित्रको छायांकन चेन्नई, हैदरावाद, बैंगलोर, मुम्बई, पुणे, कुल्लु, मनाली, हिमालय, गुलमर्ग र युक्रेनमा गरिएको छ । युक्रेनमा फिल्मको समयतालिका २०१८ मा पूरा भएको थियो।

विनर​​​​​​​​​​​​​​

२०१७ मा रिलिज भएको तेलुगु कमेडी फिल्म ‘विनर’का तीनवटा गीत युक्रेनमा खिचिएका छन् । फिल्मका निर्देशक गोपीचन्द मालिनानीले युक्रेनमा सुटिङ हुने यो पहिलो भारतीय फिल्म भएको बताए । सुटिङका ​​क्रममा युक्रेनको तापक्रम माइनस २ डिग्री थियो ।