चद्रशेखरसँग रिलेसनसीपमा रहेकाे ज्याकलिनकाे स्वीकाराेक्ति

मुम्बई । बलिउड अभिनेत्री ज्याकलिन फर्नान्डिजले मनी लाउन्ड्रिङ केसमा नयाँ खुलासा गरेकी छिन् । ज्याकलिनले हालै ईडीले गरेको सोधपुछमा सुकेश चन्द्रशेखरसँग रिलेसनसिपमा रहेको खुलाएकी हुन्। सुकेशले हिराको औंठी दिएर प्रपोज गरेको समेत उनले बताइन् ।

ईडीको रिपोर्ट अनुसार अभिनेत्रीले सोधपुछका क्रममा सुकेशबाट करोडौंको गिफ्ट लिएको बताएकी छन् । उनले भनिन्, ‘सुकेशले मलाई डाईमण्डको रिङ दिएर प्रपोज गरेका थिए र हामी प्रेमसम्बन्धमा थियौ । यो रिङमा जे र एस लेखिएको थियो ।’

सुकेशले ज्याकलिनलाई एस्पुएला नामको घोडा, ३ गुच्ची डिजाइनर झोला, २ वटा गुच्ची जिम वेयर, एक जोडी लुई भिटो जुत्ता, दुई जोडी हिराको झुम्का र रुबी ब्रेसलेट, दुई हर्मेस ब्रेसलेट र एउटा मिनी कुपर कार दिएका थिए ।

सोधपुछमा सुकेशले भने, ‘म ज्याकलिनसँग सम्बन्धमा थिएँ । त्यसैले मैले ज्याकलिनलाई महँगो गिफ्ट दिएको थिएँ ।’

सुकेशले आफ्नो बयानमा ज्याकलिनको २०० करोडको मनी लाउन्ड्रिङ केससँग कुनै सम्बन्ध नभएको पनि बताएका छन् ।

पछिल्लो समय अभिनेत्री ज्याकलिनको र सुकेशसँगको निजी तस्बिर सामाजिक सञ्जालमा भाइरल भएको छ । उनले आफु कठिन समयबाट गुज्रिरहेको समेत बताइन् ।

ज्याकलिनले इन्स्ट्रागाममा पोस्ट सेयर गर्दै पर्सनल स्पेसमा हस्तक्षेप नगर्न अपिल गरेकी छन् ।

उनले लेखेका छन्, ‘यो देश र यहाँका जनताले मलाई सधैं अपार माया र सम्मान दिएका छन् । यसमा मेरा मिडिया साथीहरु पनि पर्छन् । मैले तपाईहरु सबैबाट केहि सिकेको छु। अहिले म कठिन र कठिन समयबाट गुज्रिरहेको छु । म मिडियामा रहेका मेरा साथीहरूलाई निजी र मेरो गोपनीयतामा हस्तक्षेप गर्ने यस्ता तस्बिरहरू प्रसारित नगर्न अनुरोध गर्दछु। तपाईं प्रियजनहरूलाई यो गर्नुहुन्न, त्यसैले मलाई लाग्छ कि तपाईंले मलाई त्यसो गर्नुहुने छैन। साथै छिट्टै न्याय होस् भन्ने कामना गर्दछु ।

ज्याकलिनसँग २०० करोडको मनी लाउन्ड्रिङ केसमा सोधपुछ चलिरहेको छ भने यो मामिला धोखधडी मुद्दाको आरोप लागेका सुकेश चन्द्रशेखरसँग जोडिएको छ ।