देउवा-ओली वार्तामा एमाले नेता ईश्वर पोखरेल र विष्णु पौडेलपनि मिसिए
नेपाल प्रेस
२०७८ फागुन १० गते १९:३०
काठमाडौं । प्रधानमन्त्री शेरबहादुर देउवा र प्रमुख विपक्षी दलका नेता केपी शर्मा ओलीबीच बालुवाटारमा भएको विशेष वार्तामा एमालेका बरिष्ठ उपाध्यक्ष ईश्वर पोखरेल पनि सहभागी भएका छन् ।
यसैगरी वार्तामा एमाले उपाध्यक्ष विष्णु पौडेलपनि सहभागी रहेको बालुवाटार स्रोतले जनाएको छ ।
वार्ता चलिरहेका बेला सञ्चारमन्त्री ज्ञानेन्द्रबहादुर कार्की बालुवाटारबाट बाहिरिएका छन् ।
एमसीसीका कारण सत्ता गठबन्धन धरापमा परेका बेला एक साताभित्रै प्रधानमन्त्रीले एमालेसँग दोस्रो तर निर्णायक वार्ता गरेका हुन् ।
प्रधानमन्त्री देउवा बालकोट गएर ओलीसँग छलफल गरेको एक साता नपुग्दै बालुवाटारमा विशेष वार्ता हुनुलाई अर्थपूर्ण रुपमा लिइएको छ ।
यो पनि पढ्नुहोस् : एमाले अध्यक्ष ओली बालुवाटारमा, प्रधानमन्त्रीसँग विशेष वार्ता
कांग्रेसले गठबन्धन तोडेर एमालेसँग सहकार्यको पहल गरिरहेको चर्चा चलेका बेला भएको आजको वार्ताले एउटा टुंगो दिने नेताहरुले बताएका छन् ।
नेपाल प्रेस
प्रकाशित: २०७८ फागुन १० गते १९:३०
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
