पुराना कांग्रेस नेतालाई प्यूठान कांग्रेसको सम्मान
नेपाल प्रेस
२०७८ फागुन ९ गते १४:०७
प्यूठान । नेपाली कांग्रेस प्यूठानले जिल्लाका ६५ जनालाई प्रजातन्त्र दिवसको अवसरमा सम्मान गरेको छ ।
२०४८ साल र २०५३ सालमा पार्टीको तल्लो तहमा नेतृत्व गरेका नेताहरुलाई लोकतन्त्र र पार्टीको पक्षमा पुर्याएको योगदानका लागि सम्मान गरिएको प्यूठान कांग्रेसका उपसभापति देवेन्द्र बर्माले जानकारी दिए ।
सम्मानित हुनेमा तत्कालीन ४९ वटै वडा समितिका सभापतिहरु समेत रहेका छन् ।
सम्मान कार्यक्रममा बोल्दै कांग्रेस केन्द्रीय सदस्य डा.गोविन्द पोखरेलले द्वन्कालमा समेत ज्यानको परवाह नगरी कांग्रेसको संगठनमा सक्रिय नेताहरुलाई सम्मान गर्न पाउँदा गर्व अनुभूति भएको बताए ।
उनले विषम परिस्थितिमा पनि लोकतन्त्र र पार्टीका लागि योगदान गर्नेहरुलाई सम्मानको परम्परा बसाउनुपर्ने भन्दै प्रजातन्त्र सेनानी र शहीद परिवारलाई पार्टीले विशेष प्राथमिकतामा राख्नुपर्ने बताए ।
नेपाल प्रेस
प्रकाशित: २०७८ फागुन ९ गते १४:०७
प्रतिक्रिया
सम्बन्धित खवर
