बागमती सफाइ र वृक्षारोपणमा जुटे पल र पूजा (भिडिओ)

काठमाडौं । फागुन १३ गतेदेखि रिलिज हुने फिल्म ‘म यस्तो गीत गाउँछु २’लाई लिएर नायक पल शाह र नायिका पूजा शर्माको व्यस्तता बढ्दो छ । उनीहरुले प्रचारप्रसारलाई तीव्र तुल्याएका छन् ।

फिल्मको व्यवसायिक प्रवद्र्धनसहित सामाजिक कार्यमा पनि उनीहरु सक्रिय भएका छन् । शनिबार राजधानीको शंखमूल दोभानमा पुगेर उनीहरुले बागमती सरसफाइ अभियानमा भाग लिए र नदी तटमा वृक्षारोपण समेत गरे ।

आफूले रोपेको कपुरको वृक्षलाई पूजाले ‘छायाँ’ नाम दिइन् । यतिबेला बागमती सफाइ महाअभियानको ४५८ साता चलिरहेको छ । बागमती किनारमा संचारकर्मीसँग कुरा गर्दै पल र पूजाले बिहेदेखि फिल्मसम्मको गफ गरे ।

अभियन्तालाई हौसला दिन आफूहरु बागमती सफाइमा आएको पलले बताए । सातामा दुई घण्टा सामाजिक कार्यमा खट्न उनले दर्शकलाई आग्रह समेत गरे । यसअघि बागमती किनारमा आफूले रोपेका बोटलाई बाढीले बगाएको स्मरण गर्दै ती रुखलाई अन्यत्र स्थानमा पुनः रोपिने बताए ।

२० दिनको लागि म्युजिक भिडिओ सुटिङ र रिलिज रोकेको बताउँदै उनले पूजाको बिहे फागुन १३ गते हुने भन्दै ठ्टटा समेत गरे । ‘म यस्तो गीत गाउँछु २’को प्रवद्र्धनको लागि पल र पूजाले आइतबारदेखि मोफसल दौडाहा थाल्ने भएका छन् । आइतबार पोखरा पुगेर कार्यक्रम गर्ने उनीहरुको तयारी छ ।