दुबई जान लागेका ३५ जना कलाकारको टोलीलाई अध्यागमनले रोक्यो

काठमाडौं । त्रिभुवन अन्तर्राष्ट्रिय बिमानस्थलस्थित अध्यागमन कार्यालयले सांगीतिक अवार्डको लागि युएईको दुबई जाने तयारीमा रहेका ३५ जना नेपाली कलाकारलाई प्रस्थानमा रोक लगाएको छ ।

गत माघ १० गते गृह मन्त्रालयले गरेको भिजिट भिसा सम्बन्धी परिपत्रअनुसार उनीहरुलाई रोक लगाइएको विमानस्थलस्थित अध्यागमन कार्यालयका सूचना अधिकारी खेमराज उपाध्यायले नेपाल प्रेसलाई जानकारी दिए ।

मन्त्रालयले उक्त मितिदेखि लागू हुने गरी अर्को आदेश नभएसम्मको लागि खाडी मुलुक र मलेसियामा भिजिट भिसामा जान रोक लगाएको छ । शुक्रबार अनामनगरस्थित प्रियसी म्युजिक प्रालिबाट कलाकारको उक्त जम्बो टोली दुबईतर्फ जाने तयारीमा थियो ।

‘फ्रेस पासपोर्टमा दुबईमा पठाउँदा समस्या पर्ने देख्यौं । खाडीबाहेकका अन्य दुई वटा मुलुकको भिजिट भिसा भए अनुमति दिन सकिन्थ्यो तर उहाँहरुले दिउँसोसम्म त्यो प्रमाण ल्याउन सक्नुभएन’ सूचना अधिकारी उपाध्यायले भने, ‘३५ जनामध्ये केही योग्य भएर पनि जान पाउनुभएन । अन्य रोकिँदा उहाँहरु पनि रोकिनुभयो ।’

कलाकारको उक्त जम्बो टोलीमा मोडल दीपाशा बिसी पनि सहभागि रहेको अध्यागमनले जनाएको छ । ‘दीपाशाजीले अन्य मुलुक पनि घुमिसक्नुभएको रहेछ । उहाँ योग्य भएर पनि रोकिनुभयो’ उपाध्यायले भने ।

भिजिट भिसासम्बन्धी गृहको आदेश यस्तो थियो :