टि-२० विश्वकप क्वालिफायरः भेषावकरको स्थानमा कुशल

काठमाडौं। नेपाली टिमका ब्याट्सम्यान शरद भेषावकरले चोटका कारण टि–२० विश्वकप क्वालिफायर गुमाएका छन् । नेपाल क्रिकेट संघ (क्यान) का अनुसार खुट्टामा लागेको चोटले गर्दा उनलाई टिमबाहिर राखिएको हो ।

शरदको स्थानमा अलराउन्ड कुशल मल्ललाई टिममा समावेश गरिएको छ । मल्ल नेपालको रिजर्भ खेलाडीका रुपमा थिए । नेपालले आज फिलिपिन्ससँग आफ्नो दोस्रो म्याच खेल्दैछ ।

हिजो भएको पहिलो म्याचमा नेपालले ओमानलाई पराजित गरेको थियो । खराब फर्मबाट गुज्रिरहेका भेषावकरले हिजोको म्याचमा टिममा स्थान पाएका थिएनन् ।