प्रधानमन्त्रीले एमसीसी र गठबन्धनमध्ये एक रोज्नुपर्छ : शशांक (भिडिओ)

काठमाडौं । नेपाली कांग्रेसका पूर्वमहामन्त्री डा. शशांक कोइरालाले एमसीसी र गठबन्धनमध्ये एक रोज्न प्रधानमन्त्री शेरबहादुर देउवालाई सुझाव दिएका छन् ।

संसद भवन नयाँ बानेश्वरमा पत्रकारहरूसँग कुराकानी गर्दै कोइरालाले प्रधानमन्त्री देउवसामु एमसीसी पारित गर्ने वा गठबन्धन जोगाउने विकल्प बाँकी रहेको बताए ।

‘एमसीसी पारित गर्ने हो भन्ने सत्ता गठबन्धन टुट्ने सम्भावना मैले देखेको छु । प्रधानमन्त्रीजीसँग २ वटा उपाय छन् । कि एमसीसी पारित गर्ने कि त सत्ता गठबन्धन जोगाउने’, कोइरालाले भने ।

उनले एमसीसीले दिने अनुदान नेपालका लागि आवश्यक रहेको भन्दै संसदबाट पारित गराउनु नै उपयुक्त हुने बताए ।

एमसीसीमा अमेरिकाको भन्दा नेपालको स्वार्थ रहेको भन्दै कोइरालाले विकासका लागि अनुदान स्वीकार्नुको विकल्प नभएको बताए ।