‘झिल्के’ गीत लिएर आए गायक डिजराज पौडेल

काठमाडौं । गायक डिजराज पौडेल नयाँ गीतसहित दर्शक-स्रोतामाझ आएका छन् । उनले गाएको ‘झिल्केले म्वाई खाला’ बोलको गीतको भिडिओ हालै युट्यूवमा सार्वजनिक गरिएको हो । यो गीत आफैंमा ‘झिल्के’ खालको छ ।

‘तिमी आउने बाटोमा फुल रोपि दिएँ..’ बोलको गीतबाट ख्यातिकमाएका डिजराज मेला-महोत्सव तथा स्टेज कार्यक्रमहरुमा खोजिने नाम हुन् । अहिले ल्याएको गीत पनि यस्तै कार्यक्रमलाई लक्ष्यित गरिएको देखिन्छ । गीतका शब्दहरुमा मौलिकता छ भने संगीतमा पनि केही फरक प्रयोग गरिएको छ ।

यो गीतमा सानु तिवारीका शब्दहरु छन् भने कम्पोज गायक स्वयम्ले गरेका छन् । कपिल कार्कीले निर्देशन गरेको गीतको भिडिओ सुन्दर छ । भिडियोमा सिम्रन कार्की, आयान राईका साथमा गायक पौडेल स्वयम्ले अभिनय गरेका छन् । भिडिओले प्रारम्भिकरुपमा सकारात्मक प्रतिक्रिया पाइरहेको छ ।