शिल्पा र अकेशाको ‘लाइफ इन एलए’ बैशाख ९ गते : यस्तो छ अफिसियल पोस्टर

काठमाडौं । अमेरिका र नेपालमा छायांकन गरिएको फिल्म ‘लाइफ इन एलए’को प्रदर्शन मिति घोषणा भएको छ । विभिन्न अमेरिकी सहरमा रिलिज भैसकेको फिल्म नेपालमा नेपालमा आगामी बैशाख ९ गतेदेखि प्रदर्शनमा आउने भएको छ ।

फिल्मले प्रदर्शन मितिसहितको अफिसियल पोस्टर बुधबार लन्च गरेको छ ।

फिल्ममा ब्यास बिस्सु, अकेशा विष्ट, शिल्पा मास्के, गौरव पहारी, बुद्धि तामाङ, प्रकाश घिमिरे, लोकेन्द्र लेखकसहित अमेरिकामा बसोबास गर्ने जारेड बिलप्स, साम भुजेल, जयन्द्र चिलुवाल लगायतको पनि अभिनय छ । सूर्य एन श्रेष्ठको निर्देशनमा निर्माण भएको फिल्ममा एलिस कार्की र प्रतिक पौडेलको संगीत र प्रताप दास र कविता श्रेष्ठ स्वर छ ।

ब्यास इन्टरटेनमेन्टको प्रस्तुति रहेको फिल्मलाई ब्यास बिस्सुले निर्माण गरेका हुन् । संसार सुवेदी कार्यकारी निर्माता रहेको फिल्ममा अमेरिकाको लागि राजेन्द्र ठकुराथी निर्माताको रुपमा छन् । दीपक वली एसोसियट निर्देशक रहेको फिल्मको प्रोडक्सन म्यानेर प्रदीप आचार्य र प्रदीप खत्री हुन् ।

भूपेन्द्र अधिकारी र उज्ज्वल ढकालको सम्पादन रहेको फिल्ममा कविराज गहतराज र सुरज श्रेष्ठको करियोग्राफी छ । निर्माण कम्पनीले विज्ञप्ति जारी गर्दै अमेरिकाभन्दा पहिले नेपालमा रिलिजको योजना भएतापनि कोरोनाभाइरस महामारीले ढिलो भएको जनाएको छ । दर्शकले अमेरिकामा समेत फिल्मलाई रुचाएको फिल्म निर्माताको दावी छ ।