बप्पी लहिरीको नेपाल सम्बन्ध : देशप्रेमी गीतदेखि सद्भावना दूतसम्म

काठमाडौं । ६९ वर्षको उमेरमा बुधबार निधन भएका बलिउड गायक तथा संगीतकार बप्पी लहिरी नेपालमा समेत उत्तिकै चर्चित छन् । नेपाली सेलेव्रिटी र दर्शकमाझ उनको क्रेज अहिले पनि छ ।

बलिउड संगीतमा डिस्को संगीतको थालनी गर्ने श्रेय बोकेका लहिरीलाई पछ्याउने नेपाली कलाकार प्रशस्त छैन । तीमध्येका एक हुन् नायक भुवन केसी । लहिरीको निधनमा नायक केसीले शोक व्यक्त समेत गरेका छन् ।

कमैलाई थाहा छ, लहिरीले नेपाली देशप्रेमले ओतप्रोत नेपाली गीत ‘फरक छ भाषा’ समेत गाएका थिए । लहिरीकै आवाज, निर्मल शर्माको निर्देशन र बीबी अनुरागीको संगीतमा तयार भएको उक्त गीत सन् २०२० को फेव्रुअरी ९ मा रिलिज भएको थियो ।

साथै, संगीतकार लहिरीलाई राष्ट्रसंघीय नियोग युनेस्कोले सन् २०१४ फेव्रुअरी २१ मा नेपालको लागि सद्भावना दूतमा नियुक्त गरेको थियो । नियुक्त भएपछि लहिरीले नेपाली जनताप्रति आफ्नो माया रहेको र दूत नियुक्त भएकोमा खुशि जनाएका थिए ।

हेर्नूस लहिरीले गाएको नेपाली गीत :