संसद भवन वरपर सुरक्षा ‘हाइ अलर्ट’ (तस्बिरहरू)
२०७८ फागुन ४ गते १२:२३
काठमाडौं । प्रतिनिधिसभा बस्ने समय नजिकिँदै गर्दा संसद भवन आसपास निगरानी बढाइएको छ ।
नयाँ बानेश्वरस्थित संसद भवनको चारै कुनामा जनपद र सशस्त्र प्रहरीको टोली बसेको छ । ती निकायका उच्च अधिकारी फिल्डमा खटेका छन् । एमसीसी र सरकारविरुद्ध हुनसक्ने गतिविधिलाई ध्यान दिँदै प्रहरीलाई ‘हाइ अलर्ट’ गराइएको एक सुरक्षा अधिकारीले बताए ।
आजको बैठकमा एमसीसी टेबल गर्ने सरकारको तयारीमा गठबन्धनबीचकै दल विभाजित देखिएका छन् ।
एमसीसीविरुद्ध ६ कम्युनिष्ट पार्टी र दुई मोर्चाले नेपाल बन्दको आव्हान गरेका छन् । त्यस्तै माओवादीनिकटको विद्यार्थी संगठन अनेरास्ववियू क्रान्तिकारीलगायतले एमसीसीविरुद्ध विरोध प्रदर्शन गरिरहेका छन् ।
प्रकाशित: २०७८ फागुन ४ गते १२:२३
प्रतिक्रिया
सम्बन्धित खवर
