करिश्मासँगको डेटिङमा सलोन : भ्यालेन्टाइन्समा खुलाए प्रेमिका

नेपाल प्रेस

२०७८ फागुन ३ गते १३:५०

काठमाडौं । भ्यालेन्टाइन्स डेमा अभिनेता सलोन बस्नेतले प्रेमिका सार्वजनिक गरेका छन् । करिश्मा केसी र आफ्नो रोमान्टिक तस्बिर सेयर गर्दै सलोनले ‘ह्याप्पी भ्यालेन्टाइन्स डे’ लेखेका छन् ।

अघिल्ली प्रेमिका तथा नायिका करिश्मा श्रेष्ठसँग ब्रेकअपपछि सलोन सिंगल थिए । संयोगवश, सलोनले नयाँ गर्लफे्रन्ड पनि करिश्मा नै पाएका छन् । सलोनले सेयर गरेका तस्बिरहरुमा यो जोडी ह्याप्पी देखिन्छ ।

सलोनले करिश्मासँगको अफेयरलाई लुकाउँदै आएका थिए तर, भ्यालेन्टाइन्सको मौकामा उनले अफेयरलाई सार्वजनिक गरे । टीनएजमाझ ठूलै फ्यान फलोइङ भएका सलोनकी नयाँ गर्लफ्रेन्ड भने फिल्म क्षेत्रसँग सम्बन्धित चाहिँ छैनन् ।

सलोन अभिनित फिल्म ‘ए मेरो हजुर ४’ बैशाखमा प्रदर्शन तयारीमा छ । कोरोनाको तेस्रो लहरअघि उनी अभिनित डाँडाको वरपीपल रिलिज त भयो तर बक्सअफिसमा सफल हुन सकेन ।