नेप्से : १०१ अंकले घटेको भोलिपल्ट स्थिर
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/09/share-market-nepse.jpg)
काठमाडौं । साताको दोस्रो दिन सेयर बजार स्थिर रहेको छ । साताको पहिलो दिन गत आइतबार १ सय अंकले सेयर बजार घटेको थियो । ०.०८ अंकले बजार बढ्दा नेप्से परिसूचक २७००.९८ अंकमा पुगेको छ ।
२ सय २७ वटा कम्पनीको ३ अर्ब ६८ करोड ४० लाख ९ हजार ९ सय रुपैयाँको सेयर कारोबार भएको छ भने कम्पनीको ७५ लाख ४९ हजार ७ सय ७९ कित्ता सेयर खरिदबिक्री भएको हो ।
सबैभन्दा धेरै बुद्धभूमि नेपाल हाइड्रोको सेयर मूल्य वृद्धि भएको छ । आज सो कम्पनीको सेयर मूल्य ८.१३ प्रतिशतले वृद्धि भएको हो ।
सबैभन्दा धेरै कारोबार भने नेशनल हाइड्रो पावर कम्पनीको भएको छ । सो कम्पनीको आज ५४ करोड ९१ लख ९३ हजार २ सय रुपैयाँ बराबरको सेयर कारोबार भएको छ ।