चपली हाईट ३ को पुनः प्रिमियर (तस्बिरहरु)

काठमाडौं । चलचित्र चपली हाईट ३ को पुनः प्रिमियर गरिएको छ । कोरोना महामारीको तेस्रो तहरका कारण चल्दाचल्दै हल बन्द भएपछि चलचित्रको पुनः प्रिमियर गरिएको हो ।

आइतबारबाट देशभरीका हलमा चपली हाईट ३ पुनः रिलिज हुने निर्माण टिमले जनाएको छ ।

शनिबार क्यूज फिल्म हलमा भएको पुनः प्रिमियरमा कलाकार, सञ्चारकर्मी र अन्य अतिथिहरुको पनि सहभागिता रहेको थियो ।

प्रिमियरमा चलचित्र विकास बोर्डका अध्यक्ष दयाराम दाहाल, कलाकार निर्मल शर्मा, निर्देशक प्रदिप भट्टराई, निर्देशक राम बाबू गुरुङ, निर्देशक विशाल भण्डारी, गायिका सुबानी मोक्तान, गायक प्रताप दास, अभिनेत्री उषा रजक, मोडल प्रियाना आचार्य लगायतको सहभागिता रहेको थियो । फिल्मका दुई अभिनेत्री स्वस्तिमा खड्का र सुपुष्पा भट्ट भने अनुपस्थित रहेका थिए ।

अर्पण थापा र स्वस्तिमा खड्काको मूख्य भूमिका रहेको चलचित्र भ्यालेन्टाइन डेको छेको पारेर पुनः रिलिज हुन लागगेको हो । निर्माता अर्जुन कुमारले भ्यालेन्टाइन छेकोमा रिलिज हुन लागेका दर्शकहरु आउने विश्वास व्यक्त गरे ।

तस्बिरहरु : उमेश कार्की