राप्रपाको पदाधिकारी बैठक जारी, पशुपतिशमसेर पनि सहभागी

काठमाडौं । राष्ट्रिय प्रजातन्त्र पार्टीको पदाधिकारी बैठक केन्द्रीय कार्यालय धुम्वाराहीमा सुरू भएको छ ।

कमल थापाको बहिर्गमनपछि बोलाइएको बैठकमा समसामयिक राजनीतिको समीक्षा र स्थानीय चुनावको तयारीबारे छलफल हुने प्रवक्ता मोहन श्रेष्ठले जानकारी दिए ।

बैठकमा पार्टीका पूर्वअध्यक्ष पशुपतिशमशेर जबरा र डा. प्रकाशचन्द्र लोहनीको पनि सहभागिता रहेको छ । यस्तै प्रदेश समितिका अध्यक्षहरूले पनि बैठकमा भाग लिएका छन् ।

पूर्वअध्यक्ष थापाले नयाँ पार्टी गठनको तयारी गरिरहँदा राणाबाट समर्थनको आशा राखेका छन् । यद्यपि, आजको बैठकमा सहभागी भएर राणाले राप्रपा संस्थापनप्रति नै झुकाव देखाएका छन् ।