गायिका समीक्षाको चेतावनी : ममता दिने नारीले परेको बेला सर्वनाश पनि गर्छिन् !

काठमाडौं । गायिका समीक्षा अधिकारी पछिल्लो समय गायकी र निजी कारणले पनि चर्चामा छिन् । पछिल्ला समय हिट गीत दिइरहेकी गायिका हालै नायक पल शाहसँगको ‘अन्तरंग’ सम्बन्धले चर्चामा छाइन् ।

आफूहरु दुई बीचको सम्बधलाई लिएर दुबैले सार्वजनिक रुपमा केही नबताएपनि यी दुई बीचको सम्बन्ध यसवर्षको चर्चित गसिप हो । आफ्ना अभिव्यक्तिले पनि बेला-बेलामा चर्चामा आइरहने समीक्षा पुनः चर्चामा छिन् ।

सोमबार उनको नयाँ फेसबुक स्टाटस अहिले चर्चाको विषय बनेको छ जहाँ उनले नारी शक्तिको सम्मान गर्न पुरुषलाई चेतावनी दिएकी छिन् । नारीले दुर्गा माताको रुपमा ममता र महाकाली बनेर सर्वनाश गर्नसक्ने उनको टिप्पणी छ ।

यो चेतावनी कसप्रति लक्षित हो भन्ने बुझ्न नसकिएपनि पक्कै पनि पुरुषप्रति उनको असन्तुष्टि स्पष्ट बुझ्न सकिन्छ । उनी लेख्छिन् : यदि कसैले नारीलाई कमजोर सोचेर उसको विश्वास र भावनामाथि खेल्यो भने उसले नारी शक्तिको सामना गर्न सक्दैन त्यसैले नारीलाई कमजोर नसोच्दा पनि हुन्छ । नारी दुर्गाको रुपमा माया ममता दिन सक्छिन् भने परेको खण्डमा महाकालीजस्तो रुप लिएर सर्वनाश पनि गर्न सक्छिन् ।’

समीक्षाको यो स्टेटसमा पाठकले मिश्रित टिप्प्णी गरेका छन् ।