झण्डामात्रै हल्लाउने मन्त्रीहरु हटाउनुपर्छ : उपसभापति गुरुङ (भिडिओ) – Nepal Press

झण्डामात्रै हल्लाउने मन्त्रीहरु हटाउनुपर्छ : उपसभापति गुरुङ (भिडिओ)

काठमाडौं । नेपाली कांग्रेसका उपसभापति धनराज गुरुङले गठबन्धन सरकारमा ‘पर्फमेन्स’ दिन नसक्ने मन्त्रीहरुलाई पदमुक्त गर्नुपर्ने बताएका छन् ।

नेपाल प्रेससँग कुराकानी गर्दै उपसभापति गुरुङले कांग्रेस सभापति शेरबहादुर देउवा नेतृत्वको सरकारले ६ महिना पूरा गरेपनि केही मन्त्रीहरुको कार्यसम्पादन सन्तोषजनक नरहेको भन्दै मन्त्री हेरफेर गर्नुपर्ने बताएका हुन् ।

‘६ महिनाको अवधिमा सरकारले मिश्रित काम गरेको छ । कोरोना नियन्त्रणका लागि गरेको प्रयास राम्रो छ तर न्यूनतम साझा कार्यक्रम लागु हुन सकेको छैन ।

केही मन्त्रीहरुले झण्डा हल्लाउने बाहेक काम देखाउन सकेका छैनन्’, गुरुङले भने । उनले मन्त्रीहरुले गर्ने कामबाट नै जनताले सरकारको मूल्यांकन गर्ने भन्दै ‘झण्डा मात्रै हल्लाउने’ मन्त्रीलाई कांग्रेसले फिर्ता बोलाउने बताए ।

‘हामी सरकारको कामबारे पार्टीमा अवश्य समिक्षा गर्छौ । गठबन्धनमा पनि यसबारे समिक्षा हुनुपर्छ ।

कांग्रेसको भएपनि नभएपनि जनताको पक्षमा काम गर्न नसक्ने मन्त्रीलाई प्रधानमन्त्री आफैले पदमुक्त गर्नुपर्छ’, गुरुङले भने । उनले प्रधानमन्त्री देउवाले नै उचित मूल्यांकन गरेर मन्त्रिपरिषद हेरफेर गर्नु उपयुक्त हुने बताए ।

फरक सन्दर्भमा मन्त्री गुरुङले ठूला भ्रष्टाचारका फाइल खोल्न प्रधानमन्त्रीले नै चासो दिनुपर्ने बताए ।

‘न्यूनतम साझा कार्यक्रममै ठूलो अनियमितताको छानबिन गर्ने लेखेको छ । प्रधानमन्त्रीले अख्तियार प्रमुखलाई ठूला भ्रष्टाचारका फाइल खोल्न आग्रह गर्न त सक्नुहुन्छ नि’, गुरुङले भने ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर