गायक कुमार सुब्बाको निधन – Nepal Press

गायक कुमार सुब्बाको निधन

काठमाडौं । गायक कुमार सुब्बाको निधन भएको छ । सुब्बाको पारिवारिक स्रोतका अनुसार शनिबार सिलिगुडीमा उपचारका क्रममा उनको निधन भएको दार्जिलिङका संचारमाध्यमले जनाएका छन् ।

गम्भीर स्वास्थ्य अवस्थासँग संघर्ष गरिरहेका गायक सुब्बाको सिलिगुडीमा उपचार भइरहेको थियो।

दार्जिलिङ घर भएका ७५ वर्षीय सुब्बा पछिल्लो समय सिलुगुडीमा बसोबास गर्दै आएका थिए । गोपाल योञ्जन र कर्म योञ्जनका समकालीन गायक समेत रहेका सुब्बाले ‘देउरालीका ठिटीहरू नक्कल पार्नु पर्दैन’, ‘सारंगीको तालले मेरो मनको गीत गाउँछ,’ जस्ता लोकप्रिय गीत गाएका छन्।

सन् १९६८ देखि सुब्बाले आकाशवाणी खर्साङमा काम गरेका थिए । उनले थुप्रै महिलासँग सहगायन पनि गरेका छन् । दिलमाया, अरूणा लामा, डेजी बराइली, हीरा रसाइली, सङ्गीता सुब्बा, दावा ग्याल्मो आदिसँग पनि गाएका छन् । कर्म योञ्जनसँग पनि उनले गाएका छन् ।


प्रतिक्रिया

Leave a Reply

Your email address will not be published. Required fields are marked *