कालापानी, लिपुलेक नेपाली भूमि हो, गठबन्धनको मौनता रहस्यमय : राप्रपा – Nepal Press

कालापानी, लिपुलेक नेपाली भूमि हो, गठबन्धनको मौनता रहस्यमय : राप्रपा

काठमाडौं । राष्ट्रिय प्रजातन्त्र पार्टी राप्रपाले भारतले कालापानी क्षेत्रमा एकतर्फी रुपमा सडक निर्माण गर्नु आपत्तिजनक भएको जनाएको छ ।

सो पार्टीका महामन्त्री भुवन पाठकले एक विज्ञप्ती जारी गर्दै भारतीय प्रधानमन्त्री नरेन्द्र मोदीले नै नेपाली भूमिमा सडक निर्माण भइरहेको खुलासा गर्नु गम्भिरु विषय भएको जनाएको छ ।

विज्ञप्तीमा भनिएको छ, ‘नेपाली भूमि लिपुलेक, कालापानी क्षेत्रमा भारतले एकतर्फी रुपमा सडक निर्माण गरिरहेको र केही दिनअघि भारतीय प्रधानमन्त्री नरेन्द्र मोदीले सो कुराको खुलासा गर्नुभएको विषय गम्भीर, आपत्तिजनक र नेपाली सार्वभौमिकताको विरुद्धमा छ ।’

कालापानी, लिपुलेक नेपाली भूमि भएको र आफ्नो भूमिमाथि भइरहेको अतिक्रमण र हस्तक्षेपका विरुद्ध सरकारले प्रतिवाद गर्नुपर्नेमा सरकार र गठबन्धनको मौनता दुःखद र रहस्यमय भएको राप्रपाको भनाई छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर